طريقة أخفاء ملف من dos
السلام عليكم
طريقة عجيبة شديد في اخفاء الفولدرات بدون برامج او خرابيط (غير الطريقة العادية والمعروفة) حتى في عملية السيرش الفلولدر ما بظهر. ولا بتعرف اسمه
الطريقة كالاتي:
وضع الفولدر المراد اخفاءه في السي C او في القرص المنزل فيه الوندوز ليكن الفولدر مثلا gmrna.
بعدين
من قائمة أبدأ Start الذهاب الي Command Prompt الموجود في قائمة الزيادات Accessories
ح تظهر نافذة سوداء وهي النافذة بتاعت الدوس Dos
نكتب الامر دا في نفس السطر بتاع الCommand Prompt الامر هو cd..(سي دي نقطتين) ونضغط انتر
بنلاحظ انو رجع ل docments and settingsنكرر الخطوة الفاتت لحدي ما نصل للC بس
بعد داك نكتب الامر دا واسم الفولدر (كان سميناه gmrna ) الامر هو attrib +a +s +h واسم الفولدر
كدا يعني attrib +a +s +h gmrna ونضغط انتر.
بمعنى سطر الاوامر حيكون كدا
C:\attrib +a +s +h gmrna
بس خلو بالكم شديد من الامر دا عشان الاسبيس بين الكلمات زي ما موضح لو مافي ما حيشتغل
كدا يكون الفولدر اختفى. ولو فتحتو السي C الفولدر حيكون اختفى. طيب سؤال: لو عايز افتح الفولدر اعمل شنو؟
بسيطة جداً. في متصفح الوندوز Windows Explorer وفي شريط العنوان Address Bar اكتب اسم الفولدر (gmrna)
ح يكون كدا في شريط العنوان
C:\gmrna
ونضغط انتر
بعد داك بجي محتوى الملف
سؤال تاني لو عايز ارجع الملف ويبقا عادي (غير مخفي) اعمل شنو؟
يلللللللللللللللاااااااااااااااااا كل سؤول يطلع عشرة جنية (بالعملة الجديدة) ويحول لي رصيد هههههههههههههههه
الجواب:
نقلب علامة + الى – في الامر attrib +a +s +h يعني كدا attrib –a –s –h ونكتب اسم الفولدر وندوس انتر.
بنفس الطريقة السابقة بس بدل ال+ نقلبها -
وكدا الفولدر رجع تـــــــــــــــــــــــــــــــــــــاني
الجمعة يناير 25, 2008 3:16 pm
